المساعد الشخصي الرقمي

مشاهدة النسخة كاملة : ورقه ضائعه (اهداء الي كل من يملك تاريخ الميلاد المذكور)

وليام والاس
15-04-2005, 10:20 PM
--------------------------------------------------------------------------------
ورقه ضائعه ...

بلا هويه ..

بلا بدايه ولانهايه ....

وجدتها بين اوراقي القديمه ...

كل مافيها نسيته ...

ماتذكرته ...

كل مايربطني فيها واتذكره

تاريخ بآخر الصفحه ...

وهذا اللي اذكره ..

انه كان لي قلب يحب ...


13 اغسطس 1985م


وش تبي ثاني تكلم

قول قول

ماعندي لامثالك صبر

مابقى في القلب عرقن ماتألم

مابقى لك في خفوقي

لادقائق لا .. ولاحتى ثواني

لا .. ولاحتى انا

ماني انا ...

انا صرت انسان ثاني

ماهو ذاك اللي انت خابر

لا حبيبي

صار حبك في خفوقي شي عابر

شي عابر

ااااه والله ماحسبت انك بعد عمري تخون

وماحسبت اللي بقلبي لك مع الدنيا يهون

بس هذا الوقت طبعه دووووم غادر

مثل قلبك

كم نصحته

كم رجيته

انت لدروب المحبه منت قادر

وش تبي مني حبيبي

ودك اسمع لك كلامك

انت بالك لسه ميت في غرامك

لا وربي

لا وربي

كثر ماكنت بحياتي شمس تشرق ماتغيب

كثر ماخليت فيني جرح ماظنه يطيب

كثر ماكنت بعيوني ياعيوني اول وآخر حبيب

كثر مايومي كرهتك

ايييه ياعمري كرهتك

كيف مدري

كيف حبك اختفى من وسط صدري

كيف طحتي من جفوني

كيف وانتي ساكنه داخل عيوني

اااه ياكثر اتعبتني في غرامك اسئله

ياكثرها مااااااتنتهي

مالها عندي جواب

غير الفرح من دنيتي اقفى وغاب

وين انا رايح ..... بعيد

ودي بديره ماسكن فيها احد

خاليه من كل شي

من عيونك

من جنونك

لاهوى فيها ولاحتى غرام

بس ودي عيني لو ليله تنام

وماتشوفك

حتى ماليله تزاورني طيوفك

ااااه يانتي متعبه في كل شي

حتى وانتي غايبه

قلبي همه صايبه

بس انا احسن كثير

تصدقين

اقدر اضحك بعد ماشفاهي نست ...وشلون اضحك وابتسم

يوم الحزن ياسيدي .... دربه على وجهي انرسم

قدرت انا انسى الالم

وانسى الخفوق اللي ظلم

بس السؤال اللي محيرني كثير

لاغبت انا عنك ورحت

ومن عذابك استرحت

وش بقى لك بالاخير

لاصرت لعيونك جفن

وصارت عيوني لك وطن

وشلون تحيا ؟؟؟؟


*-* وليام والاس *-*
brilliant
16-04-2005, 02:27 PM
مشكووووور على الموضوع

بس لو كان في المنتدى الأدبي أفضل
وليام والاس
16-04-2005, 03:49 PM
بس انا حبيت اهديه لمنتدي وادي حواء

*-* وليام والاس *-*
brilliant
16-04-2005, 04:14 PM
مشكوووووووووووور

كم مره نحصل حد يهدينا في منتدى حواء؟!

تسلم اخوي
*روح المساء*
17-04-2005, 11:21 AM
عـــــــــــــيني عليك باردة..


والحمد لله .. ما هو تاريخ ميلادي ..
وليام والاس
20-04-2005, 01:44 PM
روح المساء الله يخليك


بس الله يعيني


وشكرا للجميع

*-* وليام والاس *-*
غربة
20-04-2005, 05:07 PM
بصراحه كلماتك ليست كالكلمات..
وحروف قصيدك تحكي قصه قلب مات..
هام بها قلبي بحثا عن حبل نجاة..
وفؤادي حن لجرحك ولقوة تلك الأزمات..
ولكن عذرا فأنا وقت التاريخ المذكور كنت سنة أولى حياة !!!!!



عذراااااااااااااااا أخي وليام على التطفل...وعذرا أن التاريخ المذكور ليس لي..أتمنى أن تجد صاحب ورقتك الممزقه...
وألف شكرااا على كلمات اللي عن جد روووووعه...



*غربه*
وليام والاس
22-04-2005, 11:05 PM
مشكوره غربه
بس هذا ما معناه انك مو مقصوده او اي شخص ما يحما هذا التاريخ
*-*وليام والاس*-*