ملعب العوابي ..مشكلة الزحمه هل لها حل؟؟؟

[دمع اليتيم]

السلام عليكم اعزائي القراء عندنا مشكله في ملعب العوابي
طبعا سمعتها من الربع وهي مشكلة الزحمه اوقات الخميس
والجمعه في ملعب العوابي وهذه طبعا مشكله كبيره من نظرتي
انا لها لاني سمعت انه عدد الاعبين وصل في اخر مره الى42 لاعب
يعني 20 لاعب مقابل 20 لاعب وهذا كله في ملعب واحد وطبعا هذه مشكله كبيره والا انا كلامي غلط ؟؟ المهم شباب وشابات صغار
وكبار وكل من يتصفح هذا الموضوع اريد منكم حل او اقتراح
اي اقتراح كان لاتقول انه ما يسوى اكتبه لانه في الاخير يكون
في صالح الفريق والبلد هذا وانا طبعا عندي اقتراح وهوه انه
الطلاب اللي يدرسوا العصر يلعبو يوم الجمعه ويتركو المجال
مفتوح يوم الخميس للناس اللي تشتغل وبهذه الطريقه ما راح
يكون هناك زحمه في الملعب ..صح انه الطلاب بتكون عندهم
فرصه وحده بس في الاسبوع عشان يلعبو لكن على الاقل
بيكون لعب حلو وما فيه زحمه هذاااااااااااا والسموحه
وعلى فكره انا ما اللعب كرة قدم لكن اللي يضركم يضرني
وهذه مشكلتنا كلنا ما مشكلة واحد ..ودمتم سالمين :iroc-fron

[Honest promise]

المشكله ما تقدر تقول حل حد تعال الاربعاء ولاتجا الخميس ...بيقولك انا دافع العضويه مثلي مثل الباقين ...واعتقد ما في حل الا يحددوا السن يوم الخميس يعني منفوق الاول الثانوي بس

[سيل المحبة]

المشكلة وما فيها انه الطلبة اللي يدرسوا ايام الاسبوع الفترة المسائية ، ما عندهم فرصة للعب اللي يوم الخميس والجمعه ..
وأيظا الشباب اللي يشتغلوا خارج البلاد ما عندهم فرصة للعب الا يوم الخميس فقط ..
وهنا تكمن المشكلة ..؟؟؟
لذلك قرروا من هذه الخميس اللي مضي بتاريخ 17/3/2005 وبحضور الرئيس وبعض من الأعضاء الاداريين
أن لا يلعب اي فرد قبل أن يدفع العضوية .. وأن يحدد وقت معين يتفق عليه للحضور للملعب ،ومن ياتي بعد هذا الوقت لا يلعب ...
وأن تكون هناك بعض التماريين للياقة قبل اللعب ...



فعسى ذلك يحل هذه المشكلة ... ويتعاون الشباب لأجل أن يكون اللعب له طعم ..

وسلمتوا ...
*ومع اشواقي *

[دبدوب الحبوب]

السلام عليكم للكل
إلى الأخ كاتب الموضوع أنا أعتقد أنه المسألة بسيطة و لا تحتاج كل هذه اللفة و الدوران و المثل يقول ( من شل الدنيا حطها ) لكن الظاهر أنه بعض أصحاب الرأي في اللعبة داخل فدى شالين الدنيا و ما باغين يحطوها على العموم نأخذ الحل على شكل خطوات و هي كالتالي :-

1- نشوف كم ملعب عندنا في البلاد
عندنا 3 ملاعب و هي ملعب الجبل و الوادي و العوابي

2- ملعب الوادي يخلوه حق الصغار من صف سادس و تحت و طبعا كل يوم

3- ملعب الجبل و يخلى حق 20 شخص حسب ما قلتوا يلعبوا 20 ضد 20 ليش ما يلعبوا 10 ضد 10
و يخلى طبعا حق اللي من أول ثانوي لين أول أعدادي من السبت لين الجمعه بإستثناء الأربعاء و الخميس .

4- ملعب العوابي يلعبون فيه من ثاني ثانوي و ما فوق من السبت لين الجمعه بإستثناء الاربعاء و الخميس و يخلى لكبار السن و شباب الجامعه اللي يكونوا غايبين عن البلاد لظروف العمل و الدراسة .

5- على اساس أنه في لاعبين يدرسوا مسائي هذه مشكلتهم بسيطة و هي أنه يتم تقسيم الأربعين شخص وهم بدون اللي يروحوا الجمعه و يجوا الأربعاء و خلنا نسميهم ذوي الحالة الخاصة على قولتكم أنهم يلعبوا دفعة وحده ليش ما يقسموا أنفسهم إلى 4 فرق كل فريق 10 لاعبين و الفريقين الفائزين في مجموع المباراتين يلعبون الفاصل

6- طبعا نفس الشيء ينطبق على ملعب الجبل

7- بهذه الطريقة تزيد الرغبة عند كل واحد في اللعب أكثر يعني جهد أكثر يعني مستوى أرقى في اللعب يعني يكونوا نواة لفريق قوي و أسمه فريق وادي فدى الرياضي و الثقافي.

8- طبعا إذا تدافعوا الاعبين فالأفضل يتدافعوا حق تعشيب الملعب و أنارته رغم أنه أنا متأكد أنه في بعض الناس لو يتكلموا يمكن حتى يسوون لنا نادي مب إلى تعشيب و إنارة ( طبعا هوامير و واسطات ) خصوصا اللي يشتغلون في الديوان و اللي عندهم معارف قوية عند بعض الناس .

أتمنى أني أكون ما طولت عليكم بالكلام لكن كل هذه الأراء المتواضعة عل و عسى تكون نافعه للفريق و الأرتقاء بسمعة فريق وادي فدى
و شكراااااااااااااااا.

[Honest promise]

من الاناره والتعشيب باغين قوره صاحيه نلعب بها عادلنا شهرين القوره اللي نلعببها نعبيها 3مرات من نبدا نلعب وعاد سكت عن البمب كل يوم تبطيله وتركيب صواميله زين

[دبدوب الحبوب]

هزلت و الله هزلت ( عاد دخلنا حصة تاريخ )

أفا و الله أفا كورة عاد ما قادرين هل البلاد .....أوه عفوا ( مجلس النادي ) ما قادرين يشتروا كورة إنزين المسألة بسيطة جدا و هي أنه كل واحد يلعب و حسب ما قريت بالموضوع أمس (40 لاعب )
يدفع مئتين بيسة يعني 8 ريالات المجموع يعني ثمان كورات نقدر نشتريها من العين ( هدايا العين )
صحيح أنه رخيص و يمكن نوعية رديئة و لكنها أفضل و شكلها يقارب للأصلي و تخيل ثمان كورات لو نقول أنه كل كورة تعمر شهر يعني أوكيه كفاية.
أما من يجيبهن من العين فهذه المهمة توكلوها لأي شخص تثقون فيه يشتري الكورات من العين مثل أحمد XXXXXXXXXXXXX